• Terini sirka yoki spirt bilan ishqalash, chunki bolalar terisining o'ta o'tkazuvchanligi tufayli, jiddiy zaharlanish xavfi bor.
• Bolaning terlashi uchun uni o'rab qo'yish.
• Ko'pincha kuyishga olib keluvchi xantal vositalarini qo'yish.
• Antibiotiklarni shifokor maslahatisiz qabul qilish.
• Bolaning ishtahasi bo'lmasa, uni ovqat yeyishga majbur qilish.
• Vahima qilmang, isitma tez-tez paydo bo'ladi va o'limga olib kelmaydi. Kasal bola g'amxo'rlik va ishonchga muhtoj bo`ladi. U buni faqat nima qilish kerakligini biladigan xotirjam ota-onasidan olishi mumkin.

Isitma tushiruvchi dorilarni bolalarga qanday qo'llash kerak?

Shuni ta’kidlash kerakki, isitmani tushiruvchi analgetiklar va yallig'lanishga qarshi vositalar profilaktik tarzda qabul qilinmaydi. Bolalar uchun ulardan faqat yuqori harorat mavjud bo'lgandagina foydalanish mumkin.

Go'daklar uchun (1 yoshdan kichik) rektal shamlardan foydalanish maqsadga muvofiq. Bunday shaklda vosita peroralga (og'iz orqali) qaraganda biroz kechroq ta’sir qiladi. Farmatsevtika kompaniyalari 1 yoshdan 6 yoshgacha bo'lgan bolalar uchun qiyomlar (sirop), eritmalar ko'rinishida issiqni tushiruvchi dorilar ishlab chiqaradi.

Dozani yoshga qarab emas, vaznga qarab hisoblang:

• Paratsetamol - 1 kg uchun 10-15 mg (har 4-6 soatda), kuniga ko'pi bilan 4 marta.
• Ibuprofen - 1 kg uchun 10 mg dan (har 6 soatda), kuniga ko'pi bilan 4 marta

Dorilarning ta’siri 30-60 daqiqadan keyin boshlanadi. Ko'rsatkichlar asta-sekin 1-2 darajaga pasayadi. Umumiy holat yaxshilanishi kerak.

Qarshi ko'rsatmalar va dorilarning o'zaro ta’sirini hisobga oling. Dozani va qabul qilish chastotasini oshirmang. Aks holda, boshqa dori vositalarining samaradorligini pasaytirish xavfi va asoratlar rivojlanish ehtimoli mavjud. Nojo'ya ta’sirlar paydo bo'lganda preparatni analogi bilan almashtirib, uni ishlatmang. Agar bolaning ahvoli dori bekor qilinganidan keyin yaxshilanmasa, simptomatik terapiyani tayinlash uchun shifokorga murojaat qiling.

Kichkintoylarga faqat tarkibida paratsetamol (3 oylikdan) yoki ibuprofen (6 oylikdan) bo'lgan dorilar (tabletkalar, kapsulalar, siroplar, shamlar) ruxsat etiladi. Agar gap sirop haqida ketsa, dozani to'g'ri hisoblab chiqish kerak. Ta’sir etuvchi moddaning suyuq dori shaklidagi konsentratsiyasini (sirop, tomchilar) davolovchi shifokor har bir klinik holatni individual tahlil qilib hisoblab chiqadi. Preparat miqdori ko'pincha kichik bemorning yoshiga, vazniga bog'liq bo'lib, "ko'z bilan" emas, balki maxsus o'lchov qoshig'i yoki shpris-dozator bilan o'lchanadi.

Suvchechakda (ventryanka) temperatura to'lqinsimon, ya'ni ba'zida tushib, ba'zida ko'tariladigan holatda kechadi. Bunda uni kamaytirish uchun faqat paratsetamol qabul qilishga yo'l qo'yiladi.

Yetti yoshdan boshlab bolaga tabletka yoki kapsula berish mumkin.

Isitmaga qarshi dori ta’sir qilganini qanday bilish mumkin?

Termometrdagi raqamlar me’yoriy ko'rsatkichlarga erishishi shart emas. Shuningdek, bemorning ahvoli yaxshilanishi: tetiklik, ishtaha paydo bo'lishi ham ijobiy o'zgarish hisoblanadi.

Agar isitma tushiruvchi preparat samara bermasa, bolaga boshqa ta’sir etuvchi modda asosida ishlab chiqilgan dorini berish kerak. Masalan, agar paratsetamol asosidagi suppozitoriylar muammoni hal qilishga yordam bermasa, unda faol komponenti ibuprofen bo'lgan sirop qabul qilish mumkin. Dorilarni qabul qilish o'rtasidagi interval kamida 1 soatni tashkil etishi kerak.

Tez yordamni qachon chaqirish kerak?

Isitma chiqqanda birinchi yordamni ko'rsatishni uy sharoitida ham amalga oshirish mumkin. Agar shunda ham isitma tushmasa nima qilish kerak? Yuqoridagi aytib o'tilgan urinishlar yordam bermasa, unda tez yordam chaqirish kerak. Shoshilinch chaqirish uchun ko'rsatmalar:

• Talvasalar va es-hushni yo’qotish holati ro'y berganda;
• Shilliq qavatlarning quruqligi, siydik ajralmasligi va yig'laganda ko'z yoshi bo'lmasligi;
• Nafas olishda o'ziga xos bo'lmagan tovushlarning paydo bo'lishi, nafas olishning qiyinlashishi yoki tezlashishi;
• Bosilganda oqarmaydigan toshmaning mavjudligi;
• Dorilar ta`sir qilmayotgan kuchli bosh og'rig'ining paydo bo'lishi;
• Dori qabul qilgandan keyin ham issiqlikni tushmasligi;
• To'xtovsiz qusish;
• Qorindagi kuchli og'riqlar.

Qolgan holatlarda shoshilinch yordamga murojaat qilmasdan, o'z kuchingiz bilan harakat qilishingiz mumkin. Hatto qulog'ida og'riq bo'lsa ham bolaga ibuprofen berish va pediatrni uyga chaqirish mumkin.

Chaqiruvga kelgan tibbiyot xodimlari tomonidan (Analgin + Dimedrol) inyeksiyasi qilinadi. Preparatlarning bunday kombinatsiyasi bir zumda ta’sir ko'rsatadi: harorat bir necha daqiqa ichida me’yoriy ko'rsatkichlargacha pasayadi.

Agar dori vositasining ta’siri tugaganidan so’ng harorat ko'tarilsa, unda albatta pediatrni uyga chaqirish kerak. Agar yuqori harorat diareya va qusish bilan birga davom etsa, bu holat xavfli bo'lib, kasalxonaga yotqizishni talab qilinadi. Bu holatda tibbiy yordamsiz va shifokor kuzatuvisiz iloj yo'q.